Ghazal : Ab Karam Ho Ki Yeh Itmame Karam Rahne De

غزل

اب کرم ہو کہ یہ اتمامِ کرم رہنے دے
دلِ مجبور میں کچھ حسرتِ غم رہنے دے

کوئی رہتا ہے جو با دیدۂ نم رہنے دے
بارِ خاطر ہے اگر لطف و کرم، رہنے دے

کوچۂ یار سے پھر یادوں کی خوشبو آئی
تذکرہ خلد کا اے شیخِ حرم رہنے دے

شوق کی راہ میں حالات کے رخ کو بھی سمجھ
ضبط سے کام بھی لے، اگلا قدم رہنے دے

آشنا لذتِ آزاد سے وہ بھی، دل بھی
کس طرح اس سے کہیں، مشقِ ستم رہنے دے

مسکراہٹ کے حجابوں میں چھپانے والے
غم نمایاں ہی رہے گا اسے غم رہنے دے

جو حوادث کے اندھیروں میں بھی بے نور نہ ہو
یاد کے سینے پہ وہ نقشِ قدم رہنے دے

ٹیڑھی ترچھی سی وہ قسمت کی لکیریں ہیں رفیع
جس طرح کوئی حسیں زلف میں خم رہنے دے

رفیع بخش قادری بدایونی

~:~~:::~~:~

Urdu Ghazal by Rafi Bakhsh Qadiri 'Rafi Badayuni'

___________________________________________________

You may read Rafi Badayuni on FACEBOOK too.

_________________________________________

_______________________________

Ghazal : Meri Nigah Ko Husne Jahan Pukarega

غزل

مری نگاہ کو حسنِ جہاں پکارے گا

مرے شعور کو عزمِ جواں پکارے گا

چمن سے اٹھ کے چلے جائیں گے جو دیوانے

بہار روئے گی خود باغباں پکارے گا

وہ جس کے ظرف سے قائم ہے میکدے کا نظام

نظر نہ آئے تو پیرِ مغاں پکارے گا

نظر ملا نہ سکے گا عمل سے جب بھی یقیں

تو اس یقین کو اکثر گماں پکارے گا

ہر ایک چہرہ کو یوں دیکھتا رہا ہے رفیع

کہ جیسے اس کو کوئی مہرباں پکارے گا

رفیع بخش قادری بدایونی

Ghazal : Gham Ke Maron Pe Zamane Ki Nazar Bhi Hogi

A Ghazal by Rafi Badayuni

غزل

غم کے ماروں پہ زمانے کی نظر بھی ہوگی
یہ حقیقت ہے مگر ان کو خبر بھی ہوگی

زیست منزل بھی، سفر بھی ہے حسیں جادہ بھی
زیست کی طرح کوئی راہ گزر بھی ہو گی

بات کہنے کا سلیقہ بھی نمایاں ہوگا
مختصر بات زرا ذود اثر بھی ہوگی

عزمِ اربابِ ادب نظمِ چمن بدلے گا
کارگر کوششِ اربابِ ہنر بھی ہوگی

دل کی دنیا میں بھی طوفان اٹھیں گے لیکن
کوئی جنبش تو پسِ پردۂ در بھی ہوگی

مسکراؤ کہ جوابِ غمِ دوراں ہو جائے
یوں بسر ہونے کو با دیدۂ تر بھی ہوگی

مجھ کو منزل کی طلب میری طلب منزل کو
فکر جو مجھ کو اِدہر ہے وہ اُدہر بھی ہوگی

صرف ماحول بدل جائے یہ ممکن ہے رفیع
یوں چبھن درد کی ہنگامِ سحر بھی ہوگی

رفیع بخش قادری بدایونی

Ghazal : Yeh Nahi Hai Ki KahiN Ham Ko Sitamgar Na Mile

Ghazal by Rafi Badayuni

                       

                      غزل

یہ نہیں ہے کہ کہیں ہم کو ستمگر نہ ملے
فرق اِتنا ہے کہ ہر ہاتھ میں پتھر نہ ملے

اِتنا مایوس ہوں اُمید کے ہر وعدے سے
جیسے آواز دوں اور کوئی گھر پر نہ ملے

ایسا لگتا ہے کہ منزل کی طرف جاۓگا
راستہ ایسا کہ جس پر کوئی رہبر نہ ملے

میکدے میں وہ کوئی دور ہو دیکھا ہے یہی
رونقِ بزم وہی تھے جنھیں ساغر نہ ملے

مجھ کو منزل پہ پہنچنے کی خوشی کیا ہورفیع
روکنے   والا  اَگر  راہ   میں پتھر  نہ  ملے

رفیع بخش قادری رفیع بدایونی

__________________________Find Rafi Badayuni Poetry at Facebook__________________________

ग़ज़ल

यह नहीं है कि कहीं हमको सितमगर न मिले
फ़र्क़ इतना है कि हर हाथ में पत्थर न मिले

इतना मायूस हूँ उम्मीद के हर वादे से
जैसे आवाज़ दूँ और कोई घर पर न मिले

ऐसा लगता है कि मंज़िल की तरफ़ जायेगा
रास्ता ऐसा कि जिस पर कोई रहबर न मिले

रफ़ी बख़्श क़ादिरी रफ़ी बदायूनी

Ghazal by Rafi Bakhsh Qadiri Rafi Badayuni

Ghazal : DiloN Me JazbaE Nafrat Hai Kya Kiya Jaye

غزل

دلوں میں جذبۂ نفرت ہے کیا کیا جاۓ
زباں پہ دعویِٰ الفت ہے کیا کیا جاۓ

ہزار قسم کے الزام سن کے بھی چپ ہیں
ہمارا جرم شرافت ہے کیا کیا جاۓ

نہ دشمنوں سے عداوت نہ دوستوں کا لحاظ
اسی کا نام صداقت ہے کیا کیا جاۓ

ہمارے سینے میں پتھر نہیں ہے اے لوگو!
ہمیں بھی پاسِ محبت ہے کیا کیا جاۓ

دوکانِ علم و ہنر کیوں سجا نہ لے کوئی
یہ رازِ عزت و شہرت ہے کیا کیا جاۓ

یہ اک خلش یہ تجسس یہ حسرتوں کا ہجوم
اسی سے زیست عبارت ہے کیا کیا جاۓ

بدل کے دیکھے بھی اسلوب تشنگی نہ گئی
دل و نظر کی حکایت ہے کیا کیا جاۓ

میں خود خلوص سے اپنے بہت پریشاں ہوں
اب اس کی کس کو ضرورت ہے کیا کیا جاۓ

زمانہ سازی کو دنیا ہنر کہے لیکن
جب اس خیال سے نفرت ہے کیا کیا جاۓ

رفیع بخش قادری رفیع بدایونی

______________________________________

Ghazal by Badaun Poet Rafi Bakhsh Qadiri Badayuni

__________________________Find Rafi Badayuni Poetry at Facebook__________________________

ग़ज़ल - रफ़ी बख़्श क़ादिरी रफ़ी बदायूनी

 ________________________
 ग़ज़ल

दिलों में जज़्बाए नफ़रत है क्या किया जाये
ज़बाँ पे दावाए उलफ़त है क्या किया जाये

हज़ार क़िस्म के इल्ज़ाम सुन के भी चुप हैं
हमारा जुर्म शराफ़त है क्या किया जाये

न दुश्मनों से अदावत न दोस्तों का लिहाज़
इसी का नाम सदाक़त है क्या किया जाये

हमारे सीने में पत्थर नहीं है ऐ लोगो!
हमें भी पासे मुहब्बत है क्या किया जाये

दुकाने इल्मो-हुनर क्यों सजा न ले कोई
ये राज़े इज़्ज़तो-शोहरत है क्या किया जाये

रफ़ी बख़्श क़ादिरी रफ़ी बदायूनी

Ghazal : Dil Ko Waqfe Ghamo Aalam Banaya Jaye

غزل

دل کو وقفِ غم و آلام بنایا جاۓ
یہ اِشارا تو کسی سمت سے پایا جاۓ

میرے غم خانے پہ ہر روز ہے آہٹ کیسی
کون آتا ہے اُسے آج بلایا جاۓ

یوں مرے ساتھ رہا کرتے ہیں غم دنیا کے
جیسے ہمراہ کسی شخص کے سایا جاۓ

کوئی مقصد ہو، تو پھر دار بھی کچھ بات نہیں
یوں اَگر شور مچانا ہے مچایا جاۓ

ہائے مجبوریِ حالات کہ اَب کہتا ہوں
میرا معیار مرے پاس نہ لایا جاۓ

جن کو بس فکرِ کم و بیش ہے کیا اُن سے کہیں
میکدہ ساز کوئی ہو تو بلایا جاۓ

خیر اَنجامِ محبت نہ ہو بس میں نہ سہی
بس میں یہ بھی تو نہیں اُن کو بھلایا جاۓ

رفیع بخش قادری رفیع بدایونی

________________________________

A Ghazal by Rafi Bakhsh Qadiri Rafi Badayuni

_________________________Find Rafi Badayuni Poetry at Facebook__________________________

A Ghazal by Rafi Bakhsh Qadiri Rafi Badayuni

_________________________________

ग़ज़ल

दिल को वक़्फ़े ग़मो आलाम बनाया जाये
यह इशारा तो किसी सिमत से पाया जाये

मेरे ग़मख़ाने पे हर रोज़ है आहट कैसी
कौन आता है उसे आज बुलाया जाये

यूँ मेरे साथ रहा करते हैं ग़म दुनिया के
जैसे हमराह किसी शख़्स के साया जाये

जिनको बस फ़िक्रे कमो-बेश है क्या उनसे कहें
मैकदह-साज़ कोई हो तो बुलाया जाये

ख़ैर अन्जामे मुहब्बत न हो बस में न सही
बस मैं ये भी तो नहीं उनको भुलाया जाये

रफ़ी बख़्श क़ादिरी रफ़ी बदायूनी

Ghazal : Phir Wahi Zikr-e Gham-e Yaar Ye Qissa Kya Hai

Ghazal by Rafi Bakhsh Qadiri Rafi Badayuni

غزل

پھر وہی ذکرِ غمِ یار یہ قصّہ کیا ہے
ایک ہی بات پہ اصرار یہ قصّہ کیا ہے

کچھ بتا جذبۂ بیدار یہ قصّہ کیا ہے
آرزوۓ رسن و دار یہ قصّہ کیا ہے

دل میں کیوں آرزوۓ زخم نے کروٹ بدلی
التفاتِ نگۂ یار یہ قصّہ کیا ہے

دب کے ماحول سے ہر حال میں سمجھوتہ کیوں
غیرتِ جذبۂ خوددار یہ قصّہ کیا ہے

غم نصیبوں کا سوال آتا ہے جب بھی یارو
کیوں بدل جاتے ہیں معیار یہ قصّہ کیا ہے

رہنما کس کو کہیں کس کو لٹیرا سمجھیں
سب کا ہے ایک سا کردار یہ قصّہ کیا ہے

اجنبی شخص کے بارے میں خدا جانے کیوں
میں نے سوچا ہے کئی بار یہ قصّہ کیا ہے

خود پرستوں کے لئے عشق و نشاطِ عالم
حق پرستوں کے لئے دار یہ قصّہ کیا ہے

جب انھیں کوئی تعلق نہیں ہم سے تو رفیعٌ
ان کا غم کیوں ہے وفادار یہ قصّہ کیا ہے

رفیع بخش قادری رفیع بدایونی

___________________________________________

Find Rafi Badayuni Poetry at Facebook

___________________________________________

ग़ज़ल

फिर वही ज़िकरे ग़मे यार ये क़िस्सा क्या है
एक ही बात पे इसरार ये क़िस्सा क्या है

ग़म नसीबों का सवाल आता है जब भी यारो
क्यों बदल जाते हैं मेयार ये क़िस्सा क्या है

रहनुमा किसको कहें किस को लुटेरा समझें
सब का है एक सा किरदार ये क़िस्सा क्या है

अजनबी शख़्स के बारे में ख़ुदा जाने क्यों
मैंने सोचा है कई बार ये क़िस्सा क्या है

जब उन्हें कोई तअल्लुक़ नहीं हम से रफ़ी
उन का ग़म क्यों है वफ़ादार ये क़िस्सा क्या है

रफ़ी बख़्श क़ादिरी रफ़ी बदायूनी

Ghazal by Rafi Bakhsh Qadiri Rafi Badayuni

Ghazal : Khafa Hai Koi Kisi Sey Na Koi Badzan Hai

خفا ہے کوئی کسی سے  نہ کوئی بدظن ہے
ہر ایک شخص  یہاں آپ  اپنا  دشمن  ہے

کسی غریب  کا  گھر  ہے  بس اور  کیا کہئے
یہ میرا  دل  جو سبھی  آفتوں  کا  مسکن ہے

وہ  زندگی  جسے  خونِ  جگر  دیا   میں  نے
وہ زندگی تو مرے نام سے بھی بدظن ہے

خدا کا شکر ہے غم کی ہواؤں میں بھی رفیع
چراغِ  زیست  بہر حال  آج  روشن  ہے
               
رفیع بخش قادری رفیع بدایونی

Ghazal by Badaun Poet Rafi Badayuni

___________Find Rafi Badayuni Poetry at Facebook___________

A Ghazal by Badaun Poet Rafi Badayuni

 ख़फ़ा है कोई किसी से न कोई बदज़न है
हर एक शख़्स यहाँ आप अपना दुश्मन है

किसी ग़रीब का घर है बस और क्या कहिये
यह मेरा दिल जो सभी आफ़तों का मसकन है

वह ज़िन्दगी जिसे ख़ूने-जिगर दिया मैंने
वह ज़िन्दगी तो मेरे नाम से भी बदज़न है

ख़ुदा का शुक्र है ग़म की हवाओं में भी रफ़ी
चिराग़े-ज़ीस्त बहर हाल आज रौशन है

रफ़ी बख़्श क़ादिरी रफ़ी बदायूनी

Ghazal : Apne Ghuroor-o-Naaz Pe Sharma Gai Hawa

غزل

اپنے غرور و ناز پہ شرما گئی ہَوا
دیکھا خرامِ ناز تو گھبرا گئی ہَوا

اک آن میں نسیم ہے اک آن میں سموم
شاید مزاجِ یار سے شہ پا گئی ہَوا

لگتا ہے جیسے سانس بھی لیتی نہیں فضا
یہ کس کے انتظار میں پتھرا گئی ہَوا

چھائی گھٹا تو یادوں سے جلنے لگا بدن
بارش ہوئی تو آگ سی برسا گئی ہَوا

لائی پیامِ یار کبھی بوۓ پیرہن
تسکین دے گئی کبھی تڑپا گئی ہوا

بدمست ہوکے جیسے کوئی رند آ گیا
چھو کر کسی کے ہونٹوں کو یا آ گئی ہَوا

وہ ضد ہے روشنی سے کہ الله کی پناہ
روشن جہاں چراغ ہوا آ گئی ہَوا

رفیع بخش قادری رفیع بدایونی

Ghazal by Rafi Bakhsh Qadiri Rafi Badayuni

ग़ज़ल

अपने ग़रूरो-नाज़ पे शर्मा गई हवा
देखा ख़रामे-नाज़ तो घबरा गई हवा

इक आन में नसीम है इक आन में समूम
शायद मिज़ाजे-यार से शह पा गई हवा

लगता है जैसे सांस भी लेती नहीं फ़ज़ा
यह किसके इंतेज़ार में पथरा गई हवा

छाई घटा तो यादों से जलने लगा बदन
बारिश हुई तो आग सी बरसा गई हवा

बदमस्त हो के जैसे कोई रिन्द आ गया
छू कर किसी के होटों को या आ गई हवा

वह ज़िद है रौशनी से कि अल्लाह की पनाह
रौशन जहाँ चिराग़ हुआ आ गई हवा
 
रफ़ी बख़्श क़ादिरी रफ़ी बदायूनी

Urdu Ghazal by Rafi Bakhsh Qadiri Rafi Badayuni

Ghazal : Bataa Na Manzile Janaa Ka Rasta Mujhko

A Ghazal by Rafi Bakhsh Qadiri Rafi Badayuni

 غزل

بتا نہ منزلِ جاناں کا راستہ مجھ کو
بہت ہے شوق فراواں کا حوصلہ مجھ کو

خود اپنے شعروں پہ اکثر گماں گزرتا ہے
سنا رہا ہے کوئی جیسے واقعہ مجھ کو

جنوں نواز اداؤں کے روبرو یارو!
نہ اب ہے ضبط کا یارا، نہ حوصلہ مجھ کو

تلاشِ دوست کی راہیں عجیب راہیں ہیں
کہ قربتوں میں بھی لگتا ہے فاصلہ مجھ کو

مرا خلوص مری زندگی کا حصّہ ہے
کسی کا طرز عمل اس سے واسطہ مجھ کو

میں راہِ زیست میں تنہا کبھی نہیں رہتا
کسی کی یادوں کا ملتا ہے قافلہ مجھ کو

رفیع بخش قادری رفیع بدایونی

//___________Find Rafi Badayuni Poetry at Facebook___________//

ग़ज़ल

बता न मंज़िले जानां का रास्ता मुझको
बहुत है शौक़े फ़रावां का हौसला मुझको

ख़ुद अपने शेरों पे अक्सर गुमाँ गुज़रता है
सुना रहा है कोई जैसे वाक़िआ मुझको

तलाशे दोस्त की राहें अजीब राहें हैं
कि क़ुरबतों में भी लगता है फ़ासला मुझको

मैं राहे ज़ीस्त में तन्हा कभी नहीं रहता
किसी की यादों का मिलता है क़ाफ़िला मुझको

रफ़ी बख़्श क़ादिरी रफ़ी बदायूनी

Ghazal by Rafi Bakhsh Qadiri Rafi Badayuni

غزل : سلوکِ دوست سے بیزار کیا ہوا ہوں میں

غزل

سلوکِ دوست سے بیزار کیا ہوا ہوں میں
خیال یہ ہے بلندی سے گر گیا ہوں میں

بدلتے وقت نے ہر چیز کو بدل ڈالا
خلوص ویسا کہاں ہے جو سوچتا ہوں میں

مجھے لگا ہے کہ تحلیل ہو گیا ہے وجود
کبھی جب ان کے خیالوں میں کھو گیا ہوں میں

محبتوں کا حسیں دور آنے والا ہے
یہ رخ بھی ان کی عداوت کا دیکھتا ہوں میں

مرے شعور میں ماحول کی ہے بے چَینی
نواۓ وقت ہوں اک درد کی صدا ہوں میں

شکایتوں میں گنوانے سے اس کو کیا حاصِل
زرا سا وقت ملا ہے تو آ گیا ہوں میں

رہِ حیات کے ہر موڑ پر یہ لگتا ہے
فریب کار کی باتوں میں آ گیا ہوں میں

اب اپنی زیست کی تپتی ہوئی سی راہوں پر
کسی درخت کے ساۓ کو ڈھونڈھتا ہوں میں

مجھے یہ طرز تجاہل عجیب لگتا ہے
وہ کہہ رہے ہیں کہیں آپ سے ملا ہوں میں

رفیع بخش قادری رفیع بدایونی

A Ghazal by Rafi Bakhsh Qadiri Rafi Badayuni

//___________Find Rafi Badayuni Poetry at Facebook___________//

Urdu Poetry by Rafi Bakhsh Qadiri Rafi Badayuni

ग़ज़ल

सुलूके दोस्त से बेज़ार क्या हुआ हूँ मैं
ख़्याल ये है बुलन्दी से गिर गया हूँ मैं

बदलते वक़्त ने हर चीज़ को बदल डाला
ख़ुलूस वैसा कहाँ है जो सोचता हूँ मैं

मुझे लगा है कि तहलील हो गया है वजूद
कभी जब उन के ख़यालों में खो गया हूँ मैं

मुहब्बतों का हसीं दौर आने वाला है
ये रुख़ भी उन की अदावत का देखता हूँ मैं

अब अपनी ज़ीस्त की तपती हुई सी राहों पर
किसी दरख़्त के साये को ढूँढता हूँ मैं

रफ़ी बख़्श क़ादिरी रफ़ी बदायूनी

غزل : نہ دوستوں کو سناؤ نہ اجنبی سے کہو

غزل

نہ دوستوں کو سناؤ نہ اجنبی سے کہو
تمہیں ہے مجھ سے شکایت تو پھر مجھ ہی سے کہو

یہ بات کیا ہے کہ ہر شخص کو شکایت ہے
کسی کے کام تو آۓ یہ زندگی سے کہو

کبھی تو جرأتِ رِندانہ کام میں لاؤ
یہ کوئی بات ہے ہر بات بے بسی سے کہو

بھرم اسی میں ہے ترکِ تعلقات کی بات
نہ ہم کسی کو بتائیں نہ تم کسی سے کہو

نیا خیال، نیا طرز لازمی ہے مگر
کچھ ایسی باتیں بھی ہیں جن کو سادگی سے کہو

رفیع بخش قادری رفیع بدایونی

A Ghazal by Rafi Bakhsh Qadiri Rafi Badayuni

Find Rafi Badayuni Poetry at Facebook

A Ghazal by Rafi Bakhsh Qadiri Rafi Badayuni

ग़ज़ल

न दोस्तों को सुनाओ न अजनबी से कहो
तुम्हें है मुझसे शिकायत तो फिर मुझही से कहो

ये बात क्या है कि हर शख़्स को शिकायत है
किसी के काम तो आये ये ज़िंदगी से कहो

भरम इसी में है तर्के ताल्लुक़ात की बात
न हम किसी को बतायें न तुम किसी से कहो

नया ख़्याल, नया तर्ज़ लाज़मी है मगर
कुछ ऐसी बातें भी हैं जिनको सादगी से कहो

रफ़ी बख़्श क़ादिरी रफ़ी बदायूनी

غزل : ایک میں پیکرِ تسلیم و رضا ہو جیسے

غزل

ایک میں پیکرِ تسلیم و رضا ہو جیسے
ایک تم دشمنِ اربابِ وفا ہو جیسے

یوں مجھے اُن کی عنایت کا خیال آتا ہے
ایک افسانہ کبھی میں نے پڑھا ہو جیسے

زندگی اتنی گراں بار نظر آتی ہے
ایک مجرم کے لئے کوئی سزا ہو جیسے

دل کے گوشے میں تمناؤں کی فریادیں ہیں
یا کہیں رات گئے شور اُٹھا ہو جیسے

ایسے بیگانۂ حالات وہ رہتے ہیں رفیع
کچھ کیا ہو نہ کہا ہو نہ سنا ہو جیسے

رفیع بخش قادری رفیع بدایونی

A Ghazal by Rafi Bakhsh Qadiri Rafi Badayuni

Find Rafi Badayuni Poetry at Facebook

A Ghazal by Rafi Bakhsh Qadiri Rafi Badayuni

ग़ज़ल

एक मैं पैकरे तस्लीम ओ रज़ा हो जैसे
एक तुम दुश्मने अरबाबे वफ़ा हो जैसे

यूँ मुझे उनकी इनायत का ख़्याल आता है
एक अफ़साना कभी मैंने पढ़ा हो जैसे

ज़िंदगी इतनी गिरां-बार नज़र आती है
एक मुजरिम के लिये कोई सज़ा हो जैसे

दिल के गोशे में तमन्नाओं की फर्यादें हैं
या कहीं रात गये शोर उठा हो जैसे

ऐसे बगानाए हालात वह रहते हैं रफ़ी
कुछ किया हो न कहा हो न सुना हो जैसे

रफ़ी बख़्श क़ादिरी रफ़ी बदायूनी

غزل : جذبۂ حق و صداقت کو دبائیں کیسے

غزل

جذبۂ حق و صداقت کو دبائیں کیسے
بات بن جائے مگر بات بنائیں کیسے

اپنی رودادِ غمِ عشق سنائیں کیسے
اُن سے وابستہ ہیں حالات بتائیں کیسے

لوگ چہرے سے سمجھ لیتے ہیں دل کی حالت
اَب ترا راز چھپائیں تو چھپائیں کیسے

حسن تو آج بھی دامن کشِ دل ہے لیکن
اپنے حالات کو ہم بھول بھی جائیں کیسے

غیر ممکن ہے اندھیرے میں تلاشِ منزل
روشنی کچھ تو ملے راستہ پائیں کیسے

نعمتِ درد کبھی لزتِ غم بخشی ہے
اُن کے احسان بھلا بھول بھی جائیں کیسے

بارِ غم کی بھی کوئی حد ہے زمانے والو!
روز افزوں ہو تو یہ بار اٹھائیں کیسے

رفیع بخش قدری رفیع بدایونی

_______________________

Rafi Bakhsh Qadiri Rafi Badayuni

Find us at Facebook

A Ghazal by Rafi Bakhsh Qadiri Rafi Badayuni

ग़ज़ल

जज़्बा ए हक़ ओ सदाक़त को दबायें कैसे
बात बन जाये मगर बात बनायें कैसे

अपनी रूदाद ए ग़म ए इश्क़ सुनायें कैसे
उनसे वाबसता हैं हालात बतायें कैसे

लोग चेहरे से समझ लेते हैं दिल के हालात
अब तेरा राज़ छुपायें तो छुपायें कैसे

ग़ैर मुमकिन है अंधेरे में तलाश ए मंज़िल
रौशनी कुछ तो मिले रास्ता पायें कैसे

रफ़ी बख़्श क़ादिरी रफ़ी बदायूनी

غزل : کوئی شریکِ غم دوستاں نہیں ملتا

غزل

کوئی شریکِ غم دوستاں نہیں ملتا
میں ڈھونڈتا ہوں مگر مہرباں نہیں ملتا

وہ اُن کے لطف و کرم ہوں کہ اپنی تیرہ شبی
فسانۂ غمِ دوراں کہاں نہیں ملتا

یہ ان کی بزم نہیں ہے یہ بزمِ رنداں ہے
یہاں کسی سے کوئی بدگماں نہیں ملتا

یہ شہر، شہر ستم گر نہیں تو پھر کیا ہے
سکون دل کسی عنواں یہاں نہیں ملتا

زرا بھی جرأتِ فرہاد ہو تو دنیا میں
غم و ملال کا کوہِ گراں نہیں ملتا

جو میرے ذہن کی تصویر کے مطابق ہو
مجھے تو آج وہ ہندوستاں نہیں ملتا

یہی بہت ہے محبّت کی زندگی کے لئے
وہ مہرباں نہ سہی بدگماں نہیں ملتا

یہ میرا جذبِ محبت، خلوصِ مہر و وفا
میں کس کی نزر کروں قدرداں نہیں ملتا

نصیب تجھ کو بھی عرفانِ غم ہوا ہے رفیع
بیان درد بہ طرزِ فغاں نہیں ملتا

رفی بخش قدری رفی بدایونی

__________________________

Rafi Bakhsh Qadiri Rafi Badayuni

Find us at Facebook.

ग़ज़ल

कोई शरीके ग़म दोस्ताँ नहीं मिलता
मैं ढूँडता हूँ मगर मेहरबाँ नहीं मिलता

यह उनकी बज़्म नहीं है यह बज़्मे रिंदाँ है
यहाँ किसी से कोई बदगुमाँ नहीं मिलता

यह शहर, शहर सितम गर नहीं तो फिर क्या है
सुकूने दिल किसी उन्वाँ यहाँ नहीं मिलता

जो मेरे ज़हन की तस्वीर के मुताबिक़ हो
मुझे तो आज वह हिंदोस्ताँ नहीं मिलता

यह मेरा जज़्बे मोहब्बत, खुलूसे महरो वफ़ा
मैं किस की नज़र करूँ क़दरदाँ नहीं मिलता

रफ़ी बख़्श क़ादिरी रफ़ी बदायूनी

غزل : ملے ہے جب بھی وہ تنہا لگے ہے

غزل

ملے ہے جب بھی وہ تنہا لگے ہے
خود اپنی ذات میں الجھا لگے ہے

خوشی کیا غم بھی کب اپنا لگے ہے
دل اچھا ہو تو سب اچھا لگے ہے

اکیلا کر دیا ہے سب نے مجھ کو
تصور بھی گریزاں سا لگے ہے

ادھر بھی کوئی مجبوری تو ہوگی
کسے دل توڑنا اچھا لگے ہے

مجھے دور ترقی میں بھی انساں
شعور و شعر کا پیاسا لگے ہے

زمانے کی ہوا پر کیوں ہو نازاں
ہوا کو رخ بدلتے کیا لگے ہے

خدا شاہد مری حق بیں نظر کو
جو اچھا ہے وہی اچھا لگے ہے

کبھی ہے زندگی غم سے پریشاں
کبھی غم زندگی جیسا لگے ہے

رفیع بخش قادری رفیع بدایونی

_______________________________

Urdu Ghazal by Rafi Bakhsh Qadiri Rafi Badayuni

Find him on Facebook.

غزل : اِک خلش دل کے آس پاس رہے

غزل

اِک خلش دل کے آس پاس رہے

زندگی کی کوئی اَساس رہے

موتیوں کا نصیب ہے کچھ اور

لاکھ پانی پہ کوئی گھاس رہے

اس بہاروں کی رت کو کیا کہئے

کچھ شجر اب بھی بے لباس رہے

ایسا تنہائیوں کا عالم تھا

دل سے کہنا تھا میرے پاس رہے

دوسروں کی روش سے کیا مطلب

تیرا اخلاق تیرے پاس رہے

بدگمانی ہو یا ہو خوش فہمی

سب کی بنیاد کچھ قیاس رہے

چند فرصت طلب کتابوں کے

کتنے مقبول اقتباس رہے

رفیع بخش قادری رفیع بدایونی

__________________________

Urdu Ghazal by Rafi Bakhsh Qadiri Rafi Badayuni

Find him on Facebook.

غزل : جمال یار جو اپنی خودی کی قید میں ہے

غزل

جمال یار جو اپنی خودی کی قید میں ہے

وہی جمال مری شاعری کی قید میں ہے

خرد کے شہر کے لوگوں کو کیسے سمجھائیں

سکونِ زیست تو آوارگی کی قید میں ہے

وہ حق پرست نہیں ہے کچھ اور اس کو کہو

وہ حق پرست جو بے چارگی کی قید میں ہے

کہاں سے آئے توازن کہ زندگی یارو!

اسیر ِغم ہے کبھی یہ خوشی کی قید میں ہے

یہ اُن کے نام کی برکت نہیں تو کیا ہے رفیعٌ

اثر دعا میں کبھی بندگی کی قید میں ہے

رفیع بدایونی

_____________________

A Ghazal by Rafi Bakhsh Qadiri Rafi Badayuni

Find him on Facebook.

غزل : حلقۂ گیسوۓ خم دار سے آگے نہ بڑھے

غزل

حلقۂ گیسوۓ خم دار سے آگے نہ بڑھے
ہم کبھی ذکرِ غمِ یار سے آگے نہ بڑھے

وہ بھی تھے تذکرۂ دار سے آگے نہ بڑھے
اُن کا معیار تھا معیار سے آگے نہ بڑھے

ٹھوکریں جہدِ مسلسل کی بڑھاتی ہیں انھیں
میرے حالات کبھی پیار سے آگے نہ بڑھے

ہم سے ٹکراتے رہے آکے جہاں کے غم تھے
بادل اٹھے بھی تو کہسار سے آگے نہ بڑھے

قید آنکھوں میں وہی ایک ہے منظر اب تک
ہم کبھی جلوہ گہۂ یار سے آگے نہ بڑھے

اک اچٹتی سی نظر دل کے لئے کافی تھی
وار مخصوص تھا، اک وار سے آگے نہ بڑھے

گھر سے باہر کبھی نکلے نہ تماشہ دیکھا
لوگ جب ذات کی دیوار سے آگے نہ بڑھے

رفیع بخش قادری رفیع بدایونی

________________________________

A Ghazal by Rafi Badayuni

Find him of Facebook.

غزل : میرے حالات کو خوشی کی تلاش

غزل

میرے حالات کو خوشی کی تلاش
ریگ زاروں کو ہے نمی کی تلاش

ہے وہ بے سود ہو کسی کی تلاش
اس زمانے میں آدمی کی تلاش

خود کو ہم ڈھونڈنے کو نکلے ہیں
اب نہیں ہے ہمیں کسی کی تلاش

زندگی سے وہ خود بھی خوش تو نہیں
جس کا ملنا ہے زندگی کی تلاش

ایسا بدلا مزاق حسن کہ اب
بانکپن کو ہے سادگی کی تلاش

رنج و غم مجھ کو ڈھونڈتے ہی رہے
مفلسوں کو رہی غنی کی تلاش

شاہراہوں پہ میں اکیلا ہوں
ذہن میں ہے کسی گلی کی تلاش

زیست میں سایۂ سکوں کا خیال
دھوپ میں جیسے چاندنی کی تلاش

رفیع بخش قادری رفیع بدایونی

__________________________ 

A Ghazal by Rafi Bakhsh Qadiri Rafi Badayuni

 

Find him of Facebook.